أبو السعد
عضو نشيط
عدد الرسائل : 96
العمر : 32
تاريخ التسجيل : 17/04/2008
 |  موضوع: صبـــاح الخير يا غزة ...  السبت مايو 10, 2008 11:08 am | |
|
صباح الخير يا غزة
سولار مافيش،،، بنزين ما تحلميش،،، غاز لما نصير بني آدمين بيوعدونا بحالات إنسانية،،،،
صباح الخير يا غزة،،،
قهوة الصبح بيحنن عليك الله،،، الغاز بس يبعت الله،،، والقهوة مش من ضروريات الحياة،،، يعني مش حاجات انسانية،،، صباح الخير يا غزة.
آلو تاكسي،،، ليش بتفكري حالك عايشة على المريخ،،، يا عم تاكسي،،، ليش هو أنت أحسن من اللي واقفين على الطريق،،، طيب صباح الخير يا غزة.
يلا بنوقف على الطريق،،، يا الله ما أحلى نكون من عامة الشعب،،، أصله الشعب كله على الطريق،،، والسيارات تمر فقط الفارهة،،، وتترك خلفها رائحة البنزين والسولار،،، يلا خلي الشعب يعيش،،، هو احنا لاقينه،،، والمثل بيقول شم ولا تذوق،،، صباح الخير يا غزة
مناضل بيخبر مواطن إسمع دير بالك الإيجار صار الضعف ،،،، بس الضعف،،،، يعني حضر الفكة وما تعطي السواق أكتر من المطلوب،،، يعني لو بتفكر تعطيه أكثر،،، إعرف ما راح يرجعلك باقي،،، بيقلك شكراً والله يسهلك،،، صباح الخير يا غزة
ماشي الفكة يا عالم مافيش أسهل منها،،، السوبر ماركت قريب،،، إسمع بدك فكة لازم تشتري،،، بدك تشتري لازم تدفع الأسعار بعد التعديل،،، وصباح الخير يا غزة.
تفضل يا سواق،،، شو بتفكر حالك فصيح إنت الإيجار بالنسبة لإلك كمان شيكل زيادة،،، بس يا عمي،،، هم قالوا،،، قالوا ولا ما قالوش،،، مش عاجبك انزل،،، لا والله عاجبني أحسن من الوقفة على الطريق،،، صباح الخير يا غزة.
أنا إلى اشتريت تنكة السولار بأربعمية شيكل،،، وبعدين أعطاني إياها ناقصة التلت،،، وقالي إزا مش عاجبك ،،، صف على جنب الطريق،،،، صباح الخير يا غزة.
يو إنت لسه واقف على الطريق،،، وكيف متحمل ريحة السيرج المحروق،،، إنت مش مخنوق،،، يا راجل روح نام أحسنلك من وقفة الطريق،،،، تصبحي على خير يا غزة.
| |
|
Admin
Admin
عدد الرسائل : 974
العمر : 32
تاريخ التسجيل : 15/04/2008
| | موضوع: رد: صبـــاح الخير يا غزة ... السبت مايو 10, 2008 12:26 pm | |
| رائع رائع مشكور ابو السعد كتير
| |
|
عاشقــ بحـرالــدمـوع ــقة
قريب من المشرفين
عدد الرسائل : 727
العمر : 32
تاريخ التسجيل : 17/04/2008
| | موضوع: رد: صبـــاح الخير يا غزة ... السبت مايو 10, 2008 4:06 pm | |
| تسلــــــم اخـــــي ابــــــو السعـــــــد علــــــي المـــــــوضـــــــوع الـــــرائع | |
|
عاشقة الشهادة
قريب من المشرفين
عدد الرسائل : 507
العمر : 30
تاريخ التسجيل : 17/04/2008
| | موضوع: رد: صبـــاح الخير يا غزة ... السبت مايو 10, 2008 8:41 pm | |
| | |
|
أميرة الأقصى
عدد الرسائل : 2
تاريخ التسجيل : 10/05/2008
| | موضوع: رد: صبـــاح الخير يا غزة ... الأحد مايو 11, 2008 7:36 am | |
| | |
|
Admin
Admin
عدد الرسائل : 974
العمر : 32
تاريخ التسجيل : 15/04/2008
| | موضوع: رد: صبـــاح الخير يا غزة ... الأحد مايو 11, 2008 10:46 am | |
| مشكومشكور الجميع على الردود
مشكورة على المرور اميرة الاقصى
| |
|
